Kvinnurnar møta Litava

A-landsliðið hjá kvinnum skal møta Litava í HM play-off dystunum í apríl. Vinnarin yvir tveir dystir, ein úti og ein heima, kemur til HM-endaspælið í Niðurlondum og Týsklandi.

Seinnapartin var lutakastið um hvørjum A-landsliðið hjá kvinnuum skal møta í seinasta umfari av HM-undankappingini. Føroyar trektu Litava, sum ikki vunnu seg til verandi EM-endaspæl. Litava hava spælt undankapping til hetta HM play-off umfarið, har tær vunnu bólkin móti Grikkalandi og Stóra Bretlandi. Fyrri dysturin millum Føroyar og Litava verður í Høllini við Tjarnir miku- ella hósdagin 9./10. apríl. Seinni dysturin verður í Litava leygar- ella sunnudagin 12./13. apríl.

Samlaði vinnarin yvir teir tveir dystirnar kemur í HM-endaspælið, sum verður leikt í Niðurlondum og Týsklandi í desember 2025.

Samlaða lutakastið sær soleiðis út:
Sveis – Slovakia
Italia – Rumenia
Pólland – Norðurmakedonia
Svøríki – Kosovo
Slovenia – Serbia
Portugal – Montenegro
Føroyar – Litava
Kekkia – Ukraina
Kroatia – Spania
Eysturríki – Turkaland
Ísland – Ísrael

Harumframt luttaka í HM-endaspælinum úr Europa, vertslondini Niðurlond og Týsklandi, og verandi HM-vinnarar Frakland. Hartil ovastu trý londini úr EM-endaspælinum, Ungarn, Danmark og Noreg.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni