Effo og Hondbóltssamband Føroya hava longt samtarvið

Við hesum heldur samstarvið fram, sum hevur verið við til at styrkja karmarnar fyri bæði landsliðs- og breiddarhondbóltin. Sum stórstuðul hevur Effo verið sjónligt á flestu pallunum hjá HSF, bæði í sambandi við landsdystir, kappingar og tiltøk runt Føroyar.

Gunnar Nielsen, stjóri í Effo, og Andrass Thomsen, stjóri í HSF, hittust herfyri á Effostøðini í Saltangará, har teir skrivaðu undir nýggjan sáttmálan. 

Andrass Thomsen staðfestir, ”vit í HSF fegnast um, at Effo framhaldandi vil vera við á føroysku hondbóltsferðini. Stuðulin tryggjar okkum møgleikar at menna karmarnar fyri íðkarar, venjarar og feløgini, og er ein týðandi partur av samlaðu menningini av føroyskum hondbólti.”

Gunnar Nielsen viðmerkir til longda sáttmálanum, ”at Effo sum fyritøka framvegis vil taka lut við stuðla ítrótti og teimum mongu sjálvbodnu, sum hvønn dag arbeiða fyri at flyta og menna føroyskan hondbólt. 

 Sáttmálin er galdandi til 2028.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni