Kemilux og Hondbóltssamband Føroya hava longt stuðulsavtaluna sínamillum. Kemilux verður við hesum framhaldandi at vera einum av stórstuðlunum hjá føroyskum hondbólti, hetta fram til 2028.
Christina Hansen, stjóri í Kemilux, og Gunn Ellefsen, starvsnevndarforkvinna í HSF, hittust herfyri í høvuðsætinum hjá Kemilux í Mykinesgøtu 1 í Havn, har tær skrivaðu undir avtaluna.
Framsøkna fyritøkan Kemilux fylti 60 ár fyri stuttum, og er navnið Kemilux eitt navn flest øll húsarhald í føroyum kenna. Fryst og fremst fyri teirra reingerðaúrdráttir, men er fyritøkan, umframt hetta, eisini veitari av trygdarútgerð, arbeiðsklæðum og pakningum.
Kemilux verður við hesum framhaldandi við til at tryggja kjølfesti undir virksemið okkara og geva hondbóltsíðkarum bestu møguleikar at menna seg – bæði í breidd og í úrvali.
