Størri stríðsvilji finnast fram

Avbjóðingin er stór, tá føroyska A-landsliðið við kvinnum seinnapartin skal hitta Litava í sínum seinna HM-undankappingardysti í Sveis. 

– Tann eyðkendi føroyski stríðsviljin má finnast fram og allar mugu gera sítt allar ítarsta, sigur Ágúst Jóhannsson, landsliðsvenjari.

Føroyar spældu í gjár móti Finnlandi og mistu á stokkinum. Í dag er mótstøðan upp aftur sterkari. Litava tapti í gjárkvøldið við einum máli móti Sveis, ið er mett at vera tað sterkasta liðið í bólkaspælinum.

– Litava spældi ótrúliga væl í gjár. Spælararnir eru høgir og sterkir og serliga bakkarnir eru vandamiklir. Okkara spælarar eru væl fyrireikaðar upp á uppgávuna, men hon verður trupul. Ídni hjá Føroyum skal tó ikki liggja eftir, sigur íslendski venjarin.

Dysturin millum Føroyar og Litava byrjar klokkan 15.30 føroyska tíð. Hann kann síggjast á www.handballtv.ch og hoyrast á FM1, ið sigur beinleiðis frá dystinum.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni