A-landsliðið hjá monnum úttikið

Landsliðsvenjararnir hjá monnum, Sonni Larsen og Dia Midjord, hava úttikið hesar 17 leikararnar til EM-undandystirnar móti Kekkia tann 4. og 7. november.

Nicholas Satchwell, KA Akureyri
Tórður Skorheim Guttesen, Odder Elite Håndbold
Rói Berg Hansen, HØJ
Leivur Mortensen, Ajax København
Brandur Halgirson, Ajax København
Jónas Gunnarson Djurhuus, Viking Stavanger
Filip Jojic, VÍF
Peter Krogh, H71
Teis Horn Rasmussen, TM Tønder
Kjartan Johansen, Viking Stavanger
Vilhelm Poulsen, Fram
Allan Norðberg, KA Akureyri
Pætur Thomsen, H71
Helgi Hildarson Hoydal, Viking Stavanger
Pætur Mikkjalson, SUS Nyborg
Rókur Akralíð, HEI Skæring
Rógvi Dal Christansen, Fram

Áki Egilsnes hevur av persónligum ávum valt landsliðið frá til báðar dystirnar, meðan korona avmarkar luttøkuna hjá Róki Akralíð. Hetta í mun til arbeiði hjá Róki, sum er lækni í Aarhus.  Rókur kemur ætlandi bert at spæla heimadystin í Føroyum, meðan Pætur Mikkjalson er úttikin til útidystin í Kekkia.

Fyrri dysturin verður á útivølli í Pilzen í Kekkia mikudagin 4. november klokkan 17.10, føroyska tíð, meðan heimadysturin verður í Høllini á Hálsi leygardagin 7. november kl. 18.30.

Talan er um eina avbjóðandi uppgávu fyri føroyska liðið, tá Kekkia er hægst styrkismett av  teimum 4 liðunum í bólki 3. Hini liðini eru Russland og Ukraina. Kekkia gjørdist nr. 12 til EM í 2020 og nr. 6 til EM í 2018.

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.