A-landsliðið hjá monnum úttikið

Landsliðsvenjararnir, Peter Bredsdorff-Larsen og Julian Johansen, hava úttikið hesar 20 leikararnar til venjingar í viku 44 og venjingardystir móti Íslandi 3. og 4. november. Dystirnir verða leiktir í Reykjavík.

Málverjar:
Nicholas Satchwell, TIF Viking Bergen (NOR)
Pauli Jacobsen, HØJ (DEN)

Útileikarar:
Ísak Vedelsbøl, H71
Teis Horn Rasmussen, Århus HC (DEN)
Helgi Hildarson Hoydal, Kristiansand (NOR)
Pætur Mikkjalsson, Hallby (SWE)
Leivur Mortensen, Frederiksberg IF (DEN)
Rói Berg Hansen, HØJ (DEN)
Hákun West av Teigum, Füchse Berlin (GER)
Allan Norðberg, Valur (ISL)
Peter Krogh, Århus HC (DEN)
Kjartan Johansen, Bækkelaget (NOR)
Vilhelm Poulsen, Lemvig-Thyborøn (DEN)
Elias Ellefsen á Skipagøtu, THW Kiel (GER)
Óli Mittún, IK Sävehof (SWE)
Rói Ellefsen á Skipagøtu, Hallby (SWE)
Jónas Gunnarson Djurhuus, Frederiksberg IF (DEN)
Pauli Mittún, Team Sydhavsøerne (DEN)
Bjarni í Selvindi, Kristiansand (NOR)
Tróndur Mikkelsen, Kristiansand (NOR)

Føroyska liðið savnast til venjingar í Føroyum sunnudagin 29. oktober, har liðið fer at venja saman fyrru helvt av vikuni, áðrenn liðið fríggjadagin fer til Íslands, har tveir venjingardystir eru á skrá móti Íslandi, hin fyrri fríggjadagin 3. nov. kl. 19.30 og hin seinni leygardagin 4. nov. kl. 19.30. Báðir dystirnir verða í Laugardalshøllini í Reykjavík.

Føroyska liðið fyrireikar seg til EM-endaspælið, sum verður í Týsklandi í døgunum 10. – 28. januar. Hetta er seinasta samlingin, áðrenn liðið samlast aftur í januar. Tá verða fyrst tveir fyrireikingardystir á skrá móti Belgia 5. og 6. januar. Dystirnir verða í Høllini á Hálsi. Føroyska liðið ferðast síðani til Berlin 9. januar, hareftir dystirnir liggja soleiðis:

Hósdagin 11. januar kl. 17.00 Slovenia – Føroyar
Leygardagin 13. januar kl. 19.30 Føroyar – Noreg
Mánadagin 15. januar kl. 17.00 Pólland – Føroyar

Allar tíðirnar eru føroyskar.

Les meira um EM-endaspælið hjá monnum her:
Men’s EHF EURO 2024 – Latest News and Results | EHF (eurohandball.com)

U18-manslandsliðið er úttikið

17. juni 2024

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Hesir skulu til U20 EM-endaspælið

14. juni 2024

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.

Høgni og Andrias nú elitudómarar

12. juni 2024

Brøðurnir Høgni og Andrias Fríðuson Gaard verða komandi kappingarár elitudómarar í Danmark. Hetta merkir, at teir koma at verða partur bólkinum av fremstu dómarum í Danmark og skulu í fyrstu atløgu døma í 1. deild.