Í hesari vikuni er aftur spennandi europeiskur hondbóltur á skrá. Hesaferð eru tað mansliðini hjá H71 og VÍF, sum skulu kappast í øðrum umfarið í European Cup.
Bæði feløgini spæla dystirnar á útivølli. H71 møta MRK Trogir úr Kroatia. Dystirnir verða leiktir í Trogir mikudagin og fríggjadagin, báðar dagarnar kl. 18.30, føroyska tíð. VÍF møta Handball Esch úr Luksemborg. Dystirnir verða leiktir í Esch leygardagin og sunnudagin, báðar daganar kl. 18.00, føroyska tíð.
Kvinnurnar hjá VÍF megnaðu eisini at spæla seg víðari í European Cup. Trý føroysk lið eru nú komin víðari í Euroepan Cup hjá kvinnum. Lutakastið til triðja umfar verður mikudagin.
Landsliðsvenjararnir Peter Bredsdorff-Larsen og Hjalti Mohr Jacobsen hava úttikið hesar 16 leikararnar til fyrstu tveir dystirnar í nýggju EM-undankappingini, har Føroyar møta Kosovo á heimavølli 4. november og Montenegro á útivølli 8. november.
Fyrireikingarnar til EM-endaspælið hjá kvinnum halda fram. Landsliðsvenjararnir hava úttikið hesar leikararnar til venjingar og tveir fyrireikingardystir móti Eysturríki. Landsliðið er savnað í tíðarskeiðnum 18. – 25. oktober.
Ein loysn frá Sendistovuni
Mynd: Álvur Haraldsen