Ætla sær fleiri stig

Klaksvíkingar vunnu sær 16 stig og endaðu á einum sætta plássi í farna kappingarárið. Hetta er besta úrslit hjá Team Klaksvík í søgu felagsins, sum varð stovnað í 2006.

– Málið er at vinna okkum fleiri stig.

Tað sigur Sámal á Tjaldrafløtti.

Team Klaksvík hevur fingið tilgongd av tveimum dønum, einum málverja og einum bakki. Teir hava tó eisini havt frágongd. Málverjin, Mark Dahl, er farin til STÍF, meðan stóru og tungu blokkararnir á miðjuni, Hans Arni Thomsen, Dánjal Kjærbo og Birgir Poulsen hava takkað fyri seg.

– Hópurin er ikki so breiður, sum høvdu viljað. Vit kunnu tí verða hart raktir, um onkur leikari fær skaða ella leikbann, greiðir toppskjúttin hjá Team Klaksvík frá.

Team Klaksvík hevur spælt tveir dystir í nýggja kappingarárinum. Í fyrsta dystinum móti Kyndli taptu teir stórt, men í dystinum í gjárkvøldið móti Neistanum var tað um reppið, at dysturin koppaði til klaksvíkingarnar.

– Vit hava vant miðvíst gjøgnum summarið og hava verið á venjingarlegu í Íslandi, har vit fingu nógv burturúr. Vit hava einki stig fingið burturúr teimum báðum fyrstu dystunum, men ætla okkum í øllum førum at leggja alt fyri, at geva hinum harða móstøðu og vinna okkum longur fram, sigur Sámal á Tjaldrafløtti.

Leygardagin fær Team Klaksvík vitjan av VÍF.

 

 

U19-kvinnur: Tap í verjukendum dysti

10. juli 2025

Hóast føroyska verjan og málverjar stóðu sera væl, so var tað ikki nokk til at basa Spania í dag. Føroysku U19-kvinnurnar taptu 22-16, eftir at Spania var á odda 8-6 í hálvleikinum.

U19-kvinnur: Spældu upp við Rumenia

9. juli 2025

Fyrsti dysturin hjá føroysku U19-kvinnunum í EM-endaspælinum var góðkendur. Føroyar góvu Rumenia skarpan gang, og var dysturin ikki veruliga avgjørdur fyrr enn seinastu 5 minuttirnar, tá Rumenia dróg frá. Úrslitið gjørdist 31-25 til Rumenia, eftir at tær vóru frammanfyri 14-13 í hálvleikinum.

Select klæðir landsliðini

8. juli 2025

Føroyskir landsliðsleikarar koma framhaldandi at verða klæddir í Select. HSF, Select og Sport24 hava longt klædnasáttmálan sínámillum fram til 2030.

Ein loysn frá Sendistovuni