Ítróttasamband Føroya skipar í kvøld fyri fyrilestri um andingartrupulleikar í samband við ítrótt, á fakmáli stytt EILO.
Tað er Vibeke Backer, professari og yvirlækni innan lungnamedisin á sjúkrahúsinum í Bispebjerg, sum fer at greiða frá.
Vibeke Backer hevur í fleiri ár granskað í astma og serliga ringari astma – eisini í mun til ítrótt. Hon hevur m.a. sett í verk fleiri sløg av kanningum innan økið.
Vibeke Backer hevur eisini sitið í nevndini hjá Anti-Doping Danmark, í Wada, við astma og astmaviðger sum høvuðsøki og í CAS-dómstólinum. Harumframt hevur hon útgivið fleiri enn 300 vísindaligar greinar um evnið.
Fyrilesturin er í ÍSF-húsinum í Gundadali, týskvøldið 14. mars klokkan 19.00. Fyrilesturin er fyri ítróttafólki, venjarum og annars øllum áhugaðum.
EILO: Exercise-Induced Laryngeal Obstruction. (tvs. andingartrupulleikar útloystir av, tá nógv stendur á, t.d. undir harðari venjing)
