Atgongumerkjasølan er byrjað

Komið og stuðlið føroysku stríðsmonnunum, tá teir skulu í eldin móti Montenegro í sínum triðja og síðsta EM-undankappingardysti tann 13. juni.

Heimavøllurin verður hesaferð í Farum Arena, slakar 20 minuttir úr Keypmannahavn.

Føroysku fjeppararnir hava verið óførir. Í Skjern Arena, tá Føroyar spældu ímóti Danmark, vóru okkurt um 1.500 føroyingar á áskoðaraplássunum. Í Royal Arena, tá Føroyar spældu ímóti Ukraina, vóru umleið tvífalt so nógvir føroyskir áskoðarar.

Vit vóna sjálvsagt, at stuðulin verður eins góður, nú Montenegro stendur fyri tørni.

Føroyar spældu javnt, 24-24, í Montenegro í fjør. Ídnu hondbóltsmenninir hava víst, at teir kunnu geva øllum dygga mótstøðu.

Kom við til eina hondbóltsveitslu!

Dysturin byrjar klokkan 19.30 danska tíð.

Atgongumerkini kosta 125  krónur og kunnu keypast her. 

Tekningin á Ticketmaster yvir setrini er eitt sindur misvísandi. Plássini, sum eita E, F, J og K, er uttasta sektión framvið vøllinum. Bara seks setur eru uttanfyri sjálvan vøllin, eins og víst er á myndini niðanfyri. Tað merkir, at allar hinar sektiónirnar eru longur móti miðjuni, enn tekningin vísir, tá keypt verður.

Farum Arena

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni