Skrivað: Ári Rouch

Í komandi viku savnast kvinnulandsliðið aftur. Talan er um næstseinastu samlingina, áðrenn farið verður til EM-endaspælið í Basel.

At vera málverji í hondbólti er serstakur og týdningamikil leiklutur á hondbóltvøllinum. Fyra at kasta ljós á leiklutin og stimbra ungu føroysku hondbóltsmálverjunum, skipaði HSF í dag fyri málverjadegi í Klaksvík.

Nú stundar til at komandi EM-undankappingin hjá monnum byrjar. Í hesum sambandi hava landsliðsvenjarnir úttikið 18 leikarar til fyrstu dystirnar móti Kosovo og Ukraina.

H71-kvinnur fingu onga mótstøðu frá kýpriotisku Cyview Developers Latsia í European Cup dystunum, sum blivu leiktir á Hálsi í vikuskiftinum. H71 vunnu fyrra dystin heili 50-13, meðan tann seinni endaði 41-21. Samlaði sigur gjørdist sostatt 91-35.

Áhugin fyri nýggju venjaraútbúgvingini hjá HSF hevur verið ovurhondstórur. Heili 60 venjarar eru meldaðir til fyrsta stigið, sum byrjaði í Skúlanum á Fløtum í gjár.

Hóast ein flottan 27-26 sigur í seinna dystinum móti italsku Jomi Salerno, eru VÍF-kvinnur úti úr European Cup. VÍF-kvinnur taptu fyrra dystin greitt, 27-21, og blivu tað sostatt Jomi Salerno, sum fóru víðari við einum samlaðum 53-48 sigri.

Føroysku kvinnurnar avrikaðu væl betri í seinna venjingardystinum móti Slovakia og vunnu greitt, 30-23, eftir hálvleiksstøðuna 15-10 til Føroyar.

Heilt fitt av áskoðarum vóru til venjingardystin millum kvinnulandsliðini hjá Slovakia og Føroyum í dag. Føroyar vóru frammanfyri allan dystin og var Slovakia framman fyri fyrstu ferð við 24-23, sum eisini gjørdist endaliga úrslitið, eftir hálvleiksstøðuna 14-12 til Føroyar. Føroyar spældu illa seinastu 10 minuttirnar og kostaði hetta sigurin.

Føroyska kvinnulandsliðið er komið væl til Slovakia, har tveir landsdystir eru á skránni, hin fyrri í dag, fríggjadagin kl. 17.00, og hin seinni leygardagin kl. 14.00.

Vilt tú mennast sum hondbóltsmálverji? Kom til málverjadag mánadagin 14. oktober í hallunum Klaksvík!