H71-kvinnur fingu onga mótstøðu frá kýpriotisku Cyview Developers Latsia í European Cup dystunum, sum blivu leiktir á Hálsi í vikuskiftinum. H71 vunnu fyrra dystin heili 50-13, meðan tann seinni endaði 41-21. Samlaði sigur gjørdist sostatt 91-35.
H71 eru við hesum víðari til triðja umfar í European Cup, har mótstøðan helst verður harðari. Triðja umfar verður leikt í viku 45 og/ella viku 46 um miðjan november.
Føroysku kvinnurnar vístu tenn og góða breidd í seinna vinardystinum móti Eysturríki. Okkara vístu seg sera ágrýtnar og málsóknar og vunnu sannførandi 32-27, eftir at Føroyar vóru á odda 13-12 í hálvleikinum.
Føroysku kvinnurnar vístu sálarstyrki, komu sterkt aftur seinastu løtuna og spældu javnleik 33-33 móti Eysturríki, eftir at Eysturríki var á odda 18-15 í hálvleikinum. Ein gevandi vinardystur, har nýggj andlit, verjusamansetingar og álopskipanir vóru royndar.
H71-menn standa við einum góðum útgangsstøði undan seinna European Cup dystinum móti kroatisku MRK Trogir. H71 gjørdu bart í gjár fyri fullsettari Hoyvíkshøll og vunnu greitt 34-27.
Ein loysn frá Sendistovuni
