Avsmurdir av Íslandi

Føroysku U16-dreingirnir høvdu tað torført móti vælleikandi íslendingum í dag. Ísland vann 34-21, eftir hálvleiksstøðuna 17-10 til ísland.

Dysturin gekk javnt á fyrstu 10 minuttirnar, tá støðan var 4-4, men dróg Ísland spakuliga frá eftir hetta. Føroyska miðverjan stóð ov fløt at byrja við og fingu íslendingar ferð eftir ferð skot inn yvir miðjuna. Føroyar skiftu nógv út og royndu við fleiri uppstillingum, men varð ringt at finna røttu rútmuna í longri løtum. Tað var eyðsýnt í fyrra hálvleiki, at íslendingar høvdu stinnari verjuna og blivu okkara leikarar trýstir meira í skotstøðunum.

Íslendingar fóru til hálvleiks við einari 7-máls leiðslu og øktist hendan eisini í seinna hálvleiki. Føroyska spælið hevði til tíðir góðar einstaklinga atsóknir, men góða kollektiva spælið bleiv aldrin talan um. Toppskjútti hjá Føroyum við 6 málum og mest eyðsýndi leikarin í álopinum var Rúnar Hammer, sum stóð seg væl við bæði skotum útifrá og góðum gjøgnumbrotsspælið.

Liðini møtast aftur í morgin kl. 17.00 í Høllini á Hálsi.

Dysturin kann stroymast á live.hsf.fo.

Málskjúttar hjá Føroyum:
Rúnar Hammer 6
Brian Eyðfinnsson 2
Rógvi Brimnes 2
Lýðari í Dímun
Jákup Egholm 2 (1)
Haraldur Karlsson 2 (1)
Magnus Árason 1
Magnus Rubek Carlsen 1
Torkil Dahl 1
Sebastian Gullfoss 1
Jón Midjord 1

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni