BankNordik heldur fram sum høvuðsstuðul

Hondbóltssamband Føroya og BankNordik hava gjørt nýggja stuðulsavtalu.

– Vit hava sæð nógv góð hondbóltsavrik seinasta árið og vit vilja fegin gera okkara til, at møguleikarnir eru har, so menningin heldur fram, sigur Rune Nørregaard, fíggjar- og kredittstjóri í BankNordik.

HSF setti eina menningarætlan í verk í 2013 við sonevndu leikaramenningini, ið eru venjingar við børnum úr øllum Føroyum í aldrinum U12 og U14. Eisini varð landsliðsvirksemið økt munandi. Nú landsliðini spæla seg til betri úrslit, krevst størri fígging. Forkvinnan í HSF, Gunn Ellefsen, fegnast tí um avtaluna.

– Virksemið hjá HSF er økt nógv seinastu fáu árini. Hetta er tí ein avtala, ið ger mun, sigur Gunn Ellefsen.

Nýggja stuðulsavtalan er galdandi frá 2018 og tvey ár fram. BankNordik hevur verið høvuðsstuðul hjá hondbóltinum síðan 2016.

 

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.