BankNordik og HSF leingja samstarvið

Hondbóltssambandið og høvuðsstuðulin seinastu fýra árini, BankNordik, hava í dag undirskrivað og longt samstarvsavtaluna fyri tvey tey næstu árini.

– BankNordik hevur, sum høvuðsstuðul seinastu fýra árini, verið ein sera sjónligur og dyggur stuðul hjá hondbóltinum og hetta er eitt samstarv og ein avtalu sum ger mun og tryggjar góðu gongdina, sum hevur verið seinastu árini, sigur Gunn Ellefsen, forkvinna í HSF.

Avtalan var undirskrivað saman við Turið F. Arge, rakstrarstjóra, í høvuðsætinum hjá BankNordik á Oknarvegi í dag.

– BankNordik fegnast eisini um menningina, sum hevur verið í hondbóltinum seinastu árini. Tað er stuttligt at vera viðspælari, tá framgongdin og úrslitini eru so eyðsýnd, sum tey hava verið, sigur Turið Arge.

Nýggja samstarvsavtalan er galdandi fyri 2020 og 2021.

Hesar 16 møta Svøríki og Íslandi

21. september 2023

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist tann 12. og 15. oktober.

Felags kós við Navigare

21. september 2023

Hondbóltssambandið og shippingfyritøkan Navigare hava longt verandi stuðulsavtalu fram til 2026.

Neistakvinnur og H71 út í Europa

20. september 2023

Komandi vikuskiftið skulu kvinnurnar hjá Neistanum og H71 spæla European Cup dystir. Bæði feløgini spæla dystirnar á útivølli.