Claus Mogensen nýggjur kvinnulandsliðsvenjari

Nýggjur venjari er settur til a-landsliðið hjá kvinnum. Talan er um danan Claus Mogensen.

Claus er 50 ára gamal og hevur drúgvar royndir sum venjari í bæði donskum, norskum og turkiskum hondbólti. Claus hevur vunnið tvey silvurmerki við Byåsen í bestu norsku kvinnudeildini og var valdur til ársins venjara í Noreg í 2016. Claus vandi kvinnurnar hjá København Håndbold frá 2016-2022, har hann eisini vann danska meistarheitið í 2018. Claus verður venjari hjá Horsens komandi kappingarár, samstundis sum hann verður venjari hjá føroyska kvinnulandsliðnum.

Claus viðmerkir til nýggju uppgávuna, ”jeg er meget glad og beæret over at få muligheden for at træne det færøske landshold. Færøerne har de seneste år udviklet en håndboldeufori, der er meget få lande forundt. Med det i tankerne og den flotte udvikling håndbolden har haft på få år gør, at jeg tror, vi kan gå i herrernes fodspor og inden for få år sikre os deltagelse ved et mesterskab.”

Mark Lausen-Marcher, ítróttastjóri í HSF, viðmerkir, ”vit eru serstakliga glað fyri, at tað hevur eydnast at fáa Claus Mogensen sum venjara til kvinnurnar. Úrslitini hjá Claus tala fyri seg og halda vit, at hann er ein venjari, sum flyta kvinnulandsliðið næstu stigini. Claus er ein forvitin og modernaður venjari, sum riggar væl til okkara spælistíl og sum kann vera við til at menna okkara ungu landsliðsleikarar.”

Claus tekur við starvinum við dags dato og hevur fyrstu venjingarnar saman við kvinnulandsliðnum í komandi viku. Sáttmálin er í fyrstu atløgu galdandi til 1. januar 2026.

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.