Nú fáast dagsatgongumerki til keyps til bólkaspælið í EM-endaspælinum hjá kvinnum, har Føroyar kemur at spæla í Basel.
Dagsatgongumerkini fáast til keyps her: Order your tickets for the Women’s EHF EURO 2024 in Austria, Hungary and Switzerland (eurohandball.com)
Tá Føroyar eru í bólki saman við Sveis, eru sera fáa atgongumerki eftir til sølu, men er nokso fitt til triðja dystin hjá Føroyum, sum er móti Danmark. Her viðmæla vit at keypa í sektión A2, sum er uppat føroysku áskoðarunum.
Enn eru nakrir atgongumerkjapakkar eftir til sølu til allar dystirnar hjá Føroyum og fáast teir til keyps her: WOMEN’S EHF EURO 2024 (ticketcorner.ch) Fyri at sita saman við føroyingunum, skulu tit keypa ígjøgnum hesa leinkjuna og síðani skriva koduna EURO-FAR í ávísta teigin. Hareftir kunnu tit klikkja á tey sitiplássini, sum tit ynskja at keypa. Talan er um eitt avmarkað tal av atgongumerkjum, sum eru tillutaði Føroyum. Talan er um atgongumerki, sum eru til allar tríggjar dystirnar hjá Føroyum í bólkaspælinum, umframt hin dystin í bólkinum á sama dystardegi.
