Føroya Tele og HSF longt avtalu

Hondbóltssambandið og Føroya Tele hava longt verandi stuðulsavtalu, og verður Føroya Tele verandi ein av sjónligu stuðlunum hjá HSF í 2021. Gunn Ellefsen, forkvinna í HSF, og Eva Skeel Nolsøe, HR- og marknaðarstjóri hjá Føroya Tele, hittust í gjár í høvuðssætinum hjá Føroya Tele í Hoyvík, har sáttmálin varð undirskrivaður.

– Vit í Føroya Tele vilja gjarna vera við til at stimbra hondbóltsítróttina eftir eitt skert ár í 2020. Vit hava øll saknað tiltøkini í hallunum og at kunna fylgja føroysku landsliðunum í altjóða dystum. Vit hava tó sæð HSF verið virkið á øðrum mótum við nýskapandi og spennandi loysnum, og síggja vit saman ljóst upp á 2021, sigur Eva Skeel Nolsø

– Vit fegnast um, at Føroya Tele heldur fram sum stuðul hjá hondbóltinum. 2020 var eitt avbjóðandi ár fyri ítróttina, har virksemið var avmarkað orsakað av korona. Tess størri er tó týdningurin av at hava góðar stuðlar í rygginum, nú vit vónandi ressast aftur í 2021 og eru vit við gott mót, viðmerkir Gunn Ellefsen.

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.