Dómsnevndin staðfest avgerðina

Dómsnevndin hjá HSF hevur staðfest avgerðina hjá aganevndini í sambandi við kæru hjá Stjørnuni í steypadystinum millum Neistan og Stjørnuna.

Aganevndin vísti í avgerðini á, at mótmæli, sum var lagt í dystinum, ikki var lagt sambært kappingarreglunum og forskriftunum fyri tá mótmæli verður lagt. Mótmæli skal leggjast beint eftir, at skeivleikin er staðfestur ella møguligt mistak er gjørt, og skrivarin skal skriva mótmælið á dómaraseðilin. Dómaraborðið skal beinanvegin geva dómarunum fráboðan um mótmælið, og er spælið hereftir tikið uppaftur, hava partarnir góðtikið tað, sum er farið fram.

Aganevndin staðfesti út frá frágreiðingunum, at dysturin var tikin uppaftur eftir hendingarnar uttan at mótmælið var lagt, og at hetta ikki var lagt fyrr enn løtu eftir at dysturin var av. Harvið var mannagongdin í kappingarreglu 5.17 ikki fylgd, sum greitt vísir á, at mótmælið skal leggjast beinleiðis í sambandi við hendingina, at partarnir hareftir skulu kunnast og at dysturin hareftir kann takast uppaftur.

Stjørnan kærdi avgerðina til dómsnevndina, men hevur dómsnevndin nú staðfest avgerðina hjá aganevndini. Avgerðin hjá dómsnevndini kann lesast her: 20-0131 Kæra frá Stjørnuni ísv. steypadyst 17.01.21 móti Neistanum

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni