Føroyar eru í hálvfinaluni

Við einum sigri á Estlandi, hava U17 hondbóltskvinnurnar hjá Føroyum tryggjað sær víðari atgongd til hálvfinaluna í EHF Championship kappingini, sum er í Georgia í hesum døgum.

Føroyar vunnu sannførandi 37-16 á Estlandi.

Føroyar komu heldur trilvandi frá byrjan, so longu tá ið sjey minuttir vóru leiktir, tók venjarin, Simon Olsen “timeout”. Hetta vísti seg at muna, tí bæði álopsspæl og verja broyttist fullkomiliga, og góð og væl gjøgnumspæld álop vóru at síggja, samstundis sum verjan stóð stinn og fleiri góðar bjargingar vórðu.

Tá farið var til hálvleiks var støðan 18-9 til Føroyar.

Í øðrum hálvleiki var at kalla bara spurningur um, hvussu stórur málmunurin fór at vera, og um føroysku leikararnir fóru at megna at halda stríðsandanum uppi.

Sum annar hálvleikur leið økist málmunurin, og hóast Føroyar brendu í so nógvar fríar møguleikar, var ongantíð nakar ivi um, hvør var tað betra liðið og hvør hevði uppiborið eitt hálvfinalupláss.

Føroyar skulu hitta Ukraina ella Niðurlond í hálvfinaluni, sum dystast um plássið seinnapartin í dag.  Hálvfinalurnar eru í morgin.

Dystargongdin:
Føroyar – Estland
5 min. 1-1
10 min. 5-1
15 min. 9-4
20 min. 12-8
25 min. 16-9
30 min. 18-9
35 min. 20-11
40 min. 24-14
45 min. 26-15
50 min. 30-16
55 min. 33-16
60 min. 37-16

Málskjúttar:
Lukka Arge 9 (6)
Lea Mohr 6
Maria Pálsdóttir Nólsoy 5
Bjørk Franksdóttir Joensen 5
Marita Fríða Thomsen  3
Poula Fríðheim Petersen 2
Sára Sigrunardóttir Mikkelsen 2
Anna Elisabet Halsdóttir Weyhe 2
Anna Sigrunardóttir Mikkelsen 1
Karina Debes Heinesen 1
Karin Egholm 1

Lukka Arge varð kosin dagsins leikari.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni