Báðir dystirnir millum Føroyar og Grønland um vikuskiftið verða sjónvarpaðir.
Dystirnir eru partur av fyrireikingunum hjá føroyska landsliðnum til EM-undankappingardystirnar, sum verða í apríl og juni móti Ukraina, Montenegro og Danmark.
Fyrri dysturin verður spældur í Høllini á Hálsi, leygardagin klokkan 20.00. Seinni dysturin verður sunnudagin í høllini í Vestmanna. Hann byrjar klokkan 17.00.
Kringvarpið vísir báðar dystirnar beinleiðis í sjónvarpinum. Somuleiðis kunnu dystirnir síggjast í grønlendska kringvarpinum.
Dystirnir kunnu eisini stroymast í HD-góðsku á kvf.fo.
