Føroyar vunnu trygt á Íslandi

A-landsliðið við kvinnum vann 25-17 á Íslandi, tá londini seinnapartin spældu venjingardyst.

Føroyar skulu næsta vikuskiftið taka lut í HM-undankapping í Sveis, og dystirnir móti Íslandi er liður í hesum.

Tað gekst avbera væl í fyrsta venjingardystinum. Føroyar vunnu trygt á grannunum fyri norðan.

– Serliga hildnaðist verjuspælið væl og fáar tekniskar villur vórðu gjørdar í álopinum, sigur ein væl nøgdur Ágúst Jóhannson, um sín fyrsta dyst og fyrsta sigur sum landsliðsvenjari hjá Føroyum.

Ísland hevði so dyggiliga undirmett Føroyar, tí tey stillaðu ikki upp við sínum bestu leikarum. Sum skilst vórðu nakrir leikarar spardir, so tað verður forkunnugt at vita, um hesir leikarar eru við í seinna venjingardystinum, sum er í morgin klokkan. 16.00.

Málskjúttar:
Kristianna Henneberg Joensen 6, Durita Christophersen 4, Maria Haldóttir Weyhe 4, Pernille Brandenborg 4, Ninna Johansen 3, Bára Krossteig Hansen 2, Súna Krossteig Hansen 1, Turið Arge 1.

U17-manslandsliðið úttikið

16. mai 2025

Vikuskiftið 6. – 8. juni verður stórsligin ungdómskapping í hondbólti fyri U17-menn í Føroyum. Talan er um nýggja kapping, rópt Nordic Open, í ár fyri aldursbólk 2008 og 2009, sum Hondbóltssamband Føroya skipar fyri. Hesir eru úttiknir at umboða Føroyar.

6 endapøl í ár

16. mai 2025

Tað er ikki bert okkara A-landslið við monnum og kvinnum, ið hava tryggjað sær luttøku í HM og EM endaspølum. Komandi árið eru 6 endaspøl á skránni.

Slovenia, FØROYAR, Montenegro og Sveis

15. mai 2025

Tað var greitt undan lutakastinum, at Oslo verður heimstaðurin hjá føroyingum til innleiðandi bólkaspælið í EM-endaspælinum í januar. Vertirnir høvdu ynskt at staðseta Føroyar í bólk D, hetta við atgongumerkjasølu fyri eyga. Við lutakastinum í Herning í kvøld, gjørdist greitt, at mótstøðuliðini verða Slovenia, Montenegro og Sveis.

Ein loysn frá Sendistovuni