Frá U21 til A-landsliðið

Í fjør var hann ein av stuðulsspælarunum á U21-landsliðnum, sum spældi HM-endaspælið í Algeria. Nú hevur hann tikið fetið upp í hópin hjá A-landsliðnum.

– Tað er munur á. Kappingin um plássini er nógv harðari, og støðið á venjingunum er munandi hægri, sigur Kjartan Johansen.

Strandingurin stóð seg væl undir HM í fjør. Hann fekk fleiri tilboð frá feløgum uttanlands. Hann valdi Norra og Fyllingen, sum spælur í bestu deildini. Og hesar seks mánaðirnar hevur hann ment seg sum hondbóltsspælara.

– Tað tykist sum, at eg verði betri fyri hvønn dag, bæði fysiskt og á vøllinum sum heild, sigur hann.

Sunnudagin fara Kjartan og hinir í landsliðshópinum av landinum. Teir skulu spæla tríggjar HM-undankappingardystir. Mótstøðuliðini verða Italia, Rumenia og Ukraina. Tað verða nakrir truplir dystir, men Føroyar kunnu meira enn so standa seg, heldur Kjartan.

– Vit skulu spæla upp til okkara besta fyri at fáa eitt gott úrslit. Eingin roknar við okkum, men ta støðuna eru vit vanir við. Framtíðin er bjørt, her eru fleiri ungir spælarar, so vit verða væntandi bara betri við tíðini, sigur Kjartan Johansen.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni