Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.
Skeiðið hesaferð verður í Høllini á Hálsi, báðar dagarnir frá kl. 17.00-21.30. Talan verður um verkstovu, har áherðsla verður á knø, akslar og manuellar viðgerðir. Anja hevur fleiri ferðir áður verið í Føroyum og hildið skeið fyri føroyskum fysioterapeutum. Skeiðið hesuferð er opið fyri øllum fysioterapeutum.
Skeiðið kostar 1000 kr., har ein máltíð er íroknað. Meldast kann til við at senda teldupost til mark@hsf.fo.
