Gravgangur eftir lýsingarplássum

Stórur eftirspurningur er frá donskum fyritøkum at sleppa framat at lýsa til landsdystin hjá monnum millum Føroyar og Danmark.

Danska sjónvapsrásin TV2 fer at vísa dystin, og sambært danska hondbóltssambandinum, DHF, eru okkurt um tveir milliónir hyggjarar, tá donsku hondbóltsharrarnir spæla.

– Longu sama kvøld, sum lutakastið hevði verið, var áhugi fyri at keypa øll lýsingarplássini, sigur Sára Jógvansdóttir, sum hevur ábyrgd av stuðlaøkinum hjá HSF.

Tað eru sera góðir lýsingarmøguleikar til ein landsdyst. Tað eru lýsingarpláss á sjálvum gólvinum, fram við báðum stuttsíðunum, og sum nakað nýtt verður nú eisini ein 40 metrar LED-skíggi fram við langsíðuni, sum gevur 80 minuttir við lýsingum.

HSF fer ikki at selja øll lýsingarplássini til útlendskar fyritøkur, tí fyrsta rætt til góðu plássini eiga teirra egnu stuðlar.

– HSF hevur sera góðar stuðlar, sum í øllum førum fáa bestu plássini mitt fyri á vøllinum. Landsdysturin er ein góður møguleiki hjá fleiri teirra at verða sædd uttanlands, m.a. hjá Smyril Line og Atlantic Airways við sínum rutuneti og hjá okkara høvuðsstuðli, BankNordik, sum hevur virksemi í Danmark, greiðir Sára frá.

Hon leggur afturat, at tað er framvegis møguleiki hjá øðrum føroyskum fyritøkum at vera við. HSF vil helst promovera føroyskar fyritøkur. 

Tað er framvegis óvist, um heimadysturin móti Danmark verður spældur í Føroyum. HSF hevur sent umsókn um undantaksloyvi at spæla landsdystin í Badmintonhøllini í Klaksvík ella Høllini á Hálsi, og nú verður bíðað eftir svari. Verður undantaksloyvið noktað, verður heimadysturin væntandi spældur í Keypmannahavn.

Tveir landsdystir móti Finnlandi

21. mars 2023

Føroyska kvinnulandsliðið skal spæla tveir dystir móti Finnlandi, ávikavist 4. og 5. apríl. Talan er um venjingardystir.

Lakari avrik móti Rumenia

11. mars 2023

Tað er stórur munur á heima- og útivølli í hondbólti. Hetta má staðfestast eftir stóra ósigurin móti Rumenia í dag. Føroyska manslandsliðið gjørdi nógv álopsmistøk og brendu nógvar málmøguleikar. Føroyar taptu 25-17, eftir 14-10 til rumenar í hálvleikinum.

Útselt til Føroyar – Ukraina

10. mars 2023

Eftir sigurin á Rumenia mikukvøldið, kom av álvara gongd á atgongumerkjasøluna til seinasta heimadystin í hesari EM-undankappingini, og vóru øll atgongumerkini til dystin móti Ukraina seld í gjár.