U16 landsliðið hjá Føroyum er í hesum døgum á venjingarlegu í Danmark. Í dag vóru tveir venjingardystir á skránni. Føroyar vunnu annan teirra.
Venjarin hjá føroysku dreingjunum, Julian Johansen, hevði valt at býta føroyska hópin upp í tvey lið, so allir sluppu at royna seg. Lið 1 spældi móti U18 hjá Skjern, meðan lið 2 spældi móti U16.
Tað gekk serliga væl hjá liði 1, sum vann á eldru dreingjunum úr Skjern, ið hevur tveir spælarar, sum eisini eru á ligaliðnum hjá felagum, har ein teirra harumframt er á danska U18 landsliðnum. Føroyar vunnu 27-24. Venjarin hjá U18 hjá Skjern er Henrik Kronborg, ið eisini er hjálparvenjari hjá hondbóltsmonnunum hjá Danmark.
Lið 2 hjá Føroyum taptu sín dyst, men spældu ein góðan seinna hálvleik. U16 landsliðið eru dreingir føddir í 2002 og 2003. Teir flestu á liði 2 eru yngri árgangurin.
Málverjar
Pauli Jacobsen, H71
Brandur Silvurstein, VÍF
Útileikarar
Baldur Gillason, H71
Kristoffur Bjørgvinn, Kyndil
Janus Dam, H71
Pauli Høj, Neistin
Elias á Skipagøtu, H71
Sveinur Olafsson, H71
Martin Nielsen, VÍF
Ovi Lutzen, Kyndil
Ári Rúnasson, H71
Pauli Mittún, H71
Rókur G. Eystberg, Kyndil
Rói á Skipagøtu, H71
Bjarni í Selvindi, STÍF
Silas Vang, H71
Jón Rói Høgnesen, H71
Hákun Vest av Teigum, H71
Bogi Hansen, H71
Brian Slyne, H71
Sakir T. Frídal, H71
Ragnar Karlsson, H71
