H71-menn úti av European Cup

H71 tapti eisini seinna dystin móti RK Partizan Beograd. Dysturin í dag endaði 35-30, eftir hálvleiksstøðuna 16-15 til serbarnar.

Mansliðið hjá H71 hevði í dag ein torføran arbeiðssetning at vinna seg víðari móti sterka serbiska liðnum, Partizan Beograd í Europa Cup kappingini.

H71 tapti fyrra dystin fyri Partizan 21-27 (11-14), og tí máttu hoyvíkingar vinna við sjey málum í dag fyri at vinna seg víðari í kappingini.

Í fyrra hálvleiki var H71 væl við, og tá liðini fóru til steðgin var Partizan bert á odda 16-15. 

Í seinna hálvleiki dróg Partizan tó frá H71 og vann at enda ein 35-30 sigur, og harvið ein samlaðan 62-51 sigur.

H71 spældi báðar dystirnar niðri í Serbia á einum torførum útivølli.

Málskjúttar hjá H71:
Rói Ellefsen á Skipagøtu 8
Tormóður P. Djurhuus 6
Jón Rói M. Høgnesen 4
John Vilhelm Skaalum 3
Sakir Frýdal 2
Baldur Gillason 2
Rókur Ziskason 2
Sveinur Olafsson 2
Rói S. Hjaltason 1

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni