H71 sannførandi steypavinnarar

Munurin var stórur. H71 vann Faxe Kondi finaluna heili 28-12 móti Neistanum, eftir 13-5 í hálvleikinum.

Spenningur var ongantíð í dystinum, sum H71 setti seg tungt á frá byrjan. Neistin skoraði bert tvey mál fyrstu 20 minuttirnar, tá støðan var 11-2. Hálvleiksstøðan var 13-5 til H71. Verjan og málverjarnir hjá H71 stóðu stinnir allan dystin og var ikki nokk av hugflogi og styrki í neistaálopinum til at hótta H71.

Dagsins leikarin var kosin Pauli Jacobsen, sum saman við Ára Dam bert lat 12 mál inn í dystinum.

Hetta var fimtu ferð at H71 vann hetta steypið og fingur teir tað tískil til ognar.

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni