H71 víðari í European Cup

H71-kvinnur eru sannførandi víðari í European Cup eftir ein samlaðan 59-43 sigur á SC Witasek Ferlach úr Eysturríki.

Tað gjørdist eitt sannførandi avrik hjá H71 í Eysturríki um vikuskiftið. Fyrra dystin vann H71 við sjey málum, og í kvøld vunnu hoyvíkskvinnur við níggju málum.

Sostatt vann H71 tilsamans 59-43, og er víðari í EHF European Cup.

Fjáltur á hoyvíkskvinnum í byrjanini av dystinum, men síðani komu hoyvíkskvinnur fyri seg og løgdu seg trygt á odda.

H71 hevur gjørt tað gott í altjóða hondbólti. Í fjør megnaðu hoyvíkskvinnur at koma heilt í fjórðingsfinaluna, men vandin fyri kríggi steðgaði evropeiska ævintýrinum tá.

Fyrri dystur:
H71 – SC witasek Ferlach 30-23 (16-12)
Málskjúttar: Marita Mortensen 7, Jana Mittún 6, Guðrið á Borg 4, Vár Bentsdóttir Zachariasen 3, Lív Bentsdóttir Zachariassen 3, Anna Elisabeth Halsdóttir Weyhe 3, Elsa Egholm 2, Brynhild Pálsdóttir 1, Lukka Arge 1

Seinni dystur:
SC witasek Ferlach – H71 20-29 (9-15)

Málskjúttar: Lukka Arge 8, Jana Mittún 5, Anna Elisabeth Halsdóttir Weyhe 4, Guðrið á Borg 4, Marita Mortensen 2, Vár Bentsdóttir Zachariasen 1, Lív Bentsdóttir Zachariasen 1, Brynhild Pállsdóttir 1, Christina Arge 1, Sára Jacobsen 1, Inga Maria Joensen 1. 

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni