Ov stuttir móti Eysturríki

Hóast eitt gott avrik, so vóru eysturríkar kaldari seinastu 5 minuttirnar og vunnu 30-28, eftir hálvleiksstøðuna 14-14.

Eysturríksku hondbóltsstjørnurnar vóru kaldari, tá á stóð. Skoraðu upp á sínar kjansir, og dugdu væl at finna holini í føroysku verjuni.

Hóast unga føroyska hondbóltslandsliðið spældi ein frálíkan dyst á heimavøllinum á Hálsi í kvøld, so var tað ikki nóg mikið til stig í kvøld. Úrslitið av dystinum gjørdist 30-28.

Vit vóru fleiri, sum hildu, at Eysturríki vóru í trupulleikum, tá teir tíðliga í seinna hálvleiki fingu fleiri útvísingar, og at ein av góðu spælarunum enntá fekk reyða kortið.

Men onkursvegna høvdu teir reyðu tamarhald á dystinum alla tíðina.

Ikki tí spenningurin var stórur til tíðir. Við stórspæli frá 17 ára gamla Óla Mittún og Paula Jacobsen í málinum, leikaði spælið javnt á tað mesta av øðrum hálvleiki.

Hvørja ferð Føroyar komu upp á javnt, eydnaðist tað eysturríkarum at koma framum aftur.

Hóast Føroyar taptu, var ósigurin als einki at skammast yvir. Talan var um ein framúr dyst. Við eitt sindur meira neyvleika framman fyri málið, og eitt sindur minni panikkspæli, tá tað leikaði harðast á, so kundu Føroyar staðið seg móti eysturríkarunum.

Næstu dystirnir verða 8. og 11 mars, tá vit skulu spæla tveir dystir móti Rumenia.

Føroysku málini:
Óli Mittún 7
Hákun West av Teigum 5
Theis Horn Rasmussen 4
Leivur Mortensen 4
Tróndur Mikkelsen 3
Vilhelm Poulsen 3
Helgi H. Hoydal 1
Pauli Mittún 1

Dystargongdin:
05. min 2-2
10. min 5-3
15. min 6-7
20. min 8-11
25. min 11-12
30. min 14-14
35. min 16-16
40. min 18-19
45. min 21-22
50. min 22-23
55. min 24-27
60. min 28-30 

U17-manslandsliðið úttikið

16. mai 2025

Vikuskiftið 6. – 8. juni verður stórsligin ungdómskapping í hondbólti fyri U17-menn í Føroyum. Talan er um nýggja kapping, rópt Nordic Open, í ár fyri aldursbólk 2008 og 2009, sum Hondbóltssamband Føroya skipar fyri. Hesir eru úttiknir at umboða Føroyar.

6 endapøl í ár

16. mai 2025

Tað er ikki bert okkara A-landslið við monnum og kvinnum, ið hava tryggjað sær luttøku í HM og EM endaspølum. Komandi árið eru 6 endaspøl á skránni.

Slovenia, FØROYAR, Montenegro og Sveis

15. mai 2025

Tað var greitt undan lutakastinum, at Oslo verður heimstaðurin hjá føroyingum til innleiðandi bólkaspælið í EM-endaspælinum í januar. Vertirnir høvdu ynskt at staðseta Føroyar í bólk D, hetta við atgongumerkjasølu fyri eyga. Við lutakastinum í Herning í kvøld, gjørdist greitt, at mótstøðuliðini verða Slovenia, Montenegro og Sveis.

Ein loysn frá Sendistovuni