Nú er greitt, hvørji lið eru komin í hálvfinalurnar í Faxe Kondi steypakappingini.
Bólkaspælið hjá kvinnum er av og verða tað H71 og Neistin, sum møtast í aðrari hálvfinaluni og Kyndil og Stjørnan í hinari.
Hjá monnum manglar ein dystur millum KÍF og Kyndil í bólkaspælinum, men hevur hann tó onga ávirkan á støðuna í bólki 2. KÍF hevur longu vunnið bólkin og møta teir StÍF í aðru hálvfinaluni. Í hinari hálvfinaluni møtast H71 og VÍF.
Hálvfinalurnar verða leiktar í viku 7 og finalurnar vikuna eftir, leygardagin 25. februar.
