Venjaraskeið í januar

Í tíðarskeiðnum frá 6. til 11. januar fer HSF, saman við venjarunum hjá A-landsliðnum hjá monnum, Peter Bredsdorff-Larsen og Lars Møller, og við toyminum kring landsliðið, at skipa fyri skeiðum, fyri venjarum kring landið.

Skráin fyri skeiðini sær soleiðis út:

Fríggjadagur, tann 6. januar
18:00-22:00 Skeið um kropsliga venjing við Søren Lavrsen í Høllini á Hálsi og Gundadalshøllini.
Skeiðsgjald 800 kr.

Sunnudagin, tann 8. januar
14:00-18:00 Málverjavenjaraskeið (positionering) við Tom Jensen í Høllini á Hálsi og Gundadalshøllini. Skeiðsgjald 1000 kr.
Málverjavenjaraskeiðið er partur av teimum fimm málverjavenjaraskeiðunum, ið HSF skipar fyri saman við Tom Jensen. Um man hevur rinda fyri tey skeiðini, skal man ikki gjalda tær 1000 krónurnar.

Mánadagin, tann 9. januar
17:30-21:30 Barnavenjaraskeið (verja) við Peter Bredsdorff-Larsen og Lars Møller í Høllini á Skála við gentum 12 hjá StÍF. Skeiðsgjald 400 kr.

Mikudagin, tann 11. januar
18:00-22:00 Ungdómsvenjarskeið (verja) við Peter Bredsdorff-Larsen og Lars Møller í Høllini í Vestmanna við dreingjum 16 hjá VÍF. Skeiðsgjald 400kr

Melda til við at gjalda á kontonummarið er 6460 1012896. Viðmerk navn og skeið.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni