Høllin á Hálsi var okkara

Frammanfyri einari fantastiskar áskoðarafjøld gjørdi manslandsliðið væl og virðiliga sína skyldu og vunnu ein fantastiskan, 34 – 27, sigur á Norðurmakedonia í fyrra HM play-off dystinum. Nú bíðar avgerðandi dysturin um HM-plássið komandi sunnudag í Skopje.

Føroyar settu seg á dystin frá byrjan, og tá átta minuttir vóru farnir skoraði Hákun West av Teigum til 7-2. Elias Ellefsen á Skipagøtu stjórnaði føroyska álopsspælinum til UG hesa fyrstu løtuna. Norðurmakedonar komu tó spakuliga inn í dystin eftir leikbrá, og minkaðu teir um munin niður í tvey mál. Føroyski venjarin, Peter Bredsdorff-Larsen, hevði brúkt nógva orku upp á verjuspælið hesa vikuna, og tað sást eisini aftur í dystinum. Verjan, við Teis Horn Rasmussen á odda, steðgaði ferð eftir ferð gestunum, sum eisini royndu seg við sjey ímóti seks alopspæli. Føroyingarnir bardust allan dystin á tamb fyri at tippa spælmøguleikarnar inn til stóru strikuna, og tað eydnaðist sera væl. Intensiteturin var høgur, og miðverjan flutti seg væl fyri hvørjum øðrum og fangaði leysi bóltarnar. Føroyar fóru til hálvleikst fýra mál frammanfyri, 18-14.

Í seinna hálvleiki vaks munurin skjótt. Heimaliðið hótti í næstan hvørjum álopi, og Elias Ellefsen á Skipagøtu og Óli Mittún skiftust um at skjóta mál. Tá Norðurmakedónia, sum fingu nógvar útvísingar, royndu at steðga stórspælandi miðjunum, gjørdist alt betri pláss úti hjá Leivi Mortensen og Hákuni West av Teigum, og vengurnir vóru eirindaleysir. Leivur Mortensen skoraði upp á allar sínar fimm royndir, meðan Hákun West av Teigum skeyt sítt sætta og síðsta føroyska málið í allarseinastu sekundunum.

Føroyar hava sjey mál í skjáttini við niður til Skopje, har seinni dysturin verður sunnudagin kl. 19.00. Dysturin verður vístur í KVF, FM1 sigur eisini frá og er Portal.fo eisini við.

Dystargongdin:
5 min: 4-2
10 min: 7-5
15 min: 9-7
20 min: 11-8
25 min: 15-10
30 min: 18-14
35 min: 22-16
40 min: 25-18
45 min: 25-18
50 min: 28-20
55 min: 30-23
30 min: 34-27

Málskjúttar hjá Føroyum:
Elias Ellefsen á Skipagøtu 10 (3)
Óli Mittún 6
Hákun West av Teigum 6
Vilhelm Poulsen 5
Leivur Mortensen 5
Kjartan Johansen 1
Teis Horn Rasmussen 1

Málverjar:
Pauli Jacobsen 18 %
Nicholas Satchwell 22%

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni