HSF minnir á Fair Play

Hálvfinalurnar í Okkara-deildini hjá monnum blivu júst so spennandi, sum flestu okkara høvdu vónað. Leikarar, dómarar og áskoðarar góvu teirra ítasta í trimum dystum í báðum hálvfinalunum. 

Eftir 3. hálvfinaluna í Høllini á Hálsi millum Neistan og Kyndil, var blóðið nakað heitt hjá ávísum leikarum og áskoðarum, og hetta hevði við sær heldur negativan atburð og útsagnir.

HSF vil minna á, at tað er ein felags ábyrgd hjá okkum øllum, sum varða av hondbóltinum og luttaka í hondbóltsdystum, tað verið seg bæði sum leikari, áskoðari, ábyrgdarfólk ella dómari, at arbeiða fyri, at allir dystir verða avgreiddir í besta ítróttaranda.

Leikarar og leiðarar í fremstu deildunum eru fyrimyndir hjá okkara yngru, sum elska at koma í hallirnar at spæla og hyggja eftir hondbólti.

Tað skal finnast ein vinnari og harvið eisini ein tapari í avgerðandi dystum, men saman eru vit øll góð við hondbóltin, og vit hava øll ábyrgd at tryggja, at allir dystir verða avgreiddir virðiliga.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni