Hondbóltssambandið og P/F SMS hava longt samstarvið um bestu mans- og kvinnudeildina í hondbólti, nevndar ávikavist Okkara- og SMS-deildin. Avtalan er galdandi fyri kappingarárið 2019-20.
Regin W. Dalsgaard, marknaðarstjóri hjá P/F SMS, sigur, at SMS gjarna vil verða ein aktivur viðleikari í føroyskum ítrótti og hevur menningin í hondbóltinum verið eyðsýnd seinastu árini. Frá bryggjarínum Okkara heilsar Petur Petersen og viðmerkir, at tað var sera spennandi at fylgja við tætta endaspælinum undanfarna kappingarár, og nú eitt nýtt kappingarár byrjar, vilja vit gjarna ynskja øllum liðum eina góða og spennandi kapping.
Gunn Ellefsen, forkvinna í HSF, fegnast um, at samstarvið við SMS og Okkara heldur fram. Tað er sera týdningarmikið við góðum stuðlum sum hesum, sum eru við til at tryggja menningina hjá føroyskum hondbóltsungdómi. Vit vóna, at vit aftur í ár fáa eina spennandi og tætta kapping, og at fólk fáa nógvar góðar og spennandi upplivingar í hallunum kring landið.
Kappingarárið hjá Okkara- og SMS-deildini byrjar í dag sunnudagin 15. september við hesum dystum:
SMS-deildin:
Kl. 14.00 H71 – Neistin
Kl. 15.00 VB – VÍF
Okkara-deildin:
Kl. 16.00 KÍF – Team Klaksvík
Kl. 16.30 H71 – Neistin
