Hondbóltssambandið og P/F Smyril Line hava gjørt nýggja sponsoravtalu og longt verandi samstarv fram til 2026. Tá hava partarnir fylgst og samstarvað í 10 ár.
Jógvan Emil Nielsen, næstformaður í Starvsnevndini hjá HSF, hitti herfyri Henny á Líknargøtu, sølu- og marknarðarstjóra í Smyril Line, har tey undirskrivaðu nýggja sáttmálan.
– Tað er hugtakandi at síggja føroyskan hondbólt veruliga hava bitið seg fastan á ovastu altjóða rók, sigur Henny. Nú gleða vit okkum, at fara saman við 3.000 føroyingum til Berlin í januar at heppa á manslandsliðið í EM-endaspælinum. Sum stuðul fegnast vit um stóru undirtøkuna landsliðini hava, og vilja vit sjálvandi vera við at taka næstu stigini.
– At kappast á hægsta stigi setur eisini hægri krøv, ikki bara ítróttarlig, men eisini fyriskipanarlig, viðmerkir Jógvan Emil. At land, fólk og fyritøkur vilja standa saman um stóru tøkini, hevur alt at siga og er ein fortreyt fyri at hetta skal bera til. Í januar er okkara fyrsta EM-endaspæl hjá teimum vaksnu á skrá, og eitt ár seinni, í januar 2025, skal Føroya Arena standa liðug. Hetta eru stórhendingar og spennandi tíðir, og gleða vit okkum, saman við okkara stuðlum, til stórdystir bæði úti í verð og heima í Føroyum.
