U19 HM og U17 Championship kappingarnar eru av. Sum vanligt, so vóru All-Star lið kosin eftir kappingarnar og vóru tveir føroyingar heiðraðir.
Óli Mittún var kosin besta miðja í U19 HM-endaspælinum. Óli var eisini greiður toppskjútti í kappingini við heili 87 málum. Hetta eru 31 mál fleiri enn tann næsti í røðini. Óli hevði eisini langt flest málgevandi avleveringar, heili 70 í tali, 27 fleiri enn tann næsti í røðini.
Silja Geirsdóttir Eystberg var kosin besta miðja í EHF Championship kappingini í Baku í Aserbajan. Silja var føroysku toppskjútti í kappingini við 35 málum, sætt í samlaðu røðini.
