Tíðindi



ORÐ

 Ári Rouch

Kyndil føroyameistarar 2026

Kvinnurnar hjá Kyndli tryggjaðu sær í kvøld SMS FM-heitið 2026, hetta eftir fjórðu finaluna móti VÍF. Hetta er 10. FM-heitið hjá kyndlakvinnum.

Dysturin í Vestmanna í kvøld var tættur, men høvdu Kyndil allatíðina nøsina frammanfyri. Fyri fullsettari høll í Vestmanna, kempaðu liðini við øllum tær høvdu, og vóru vestmannakvinnur um reppið at eta leiðsluna hjá Kyndli móti leikloki. Tær grønu hildu tó høvdið kalt, og kunnu nú kalla seg greipuvinnarar 2026. Kyndil hevur vunnið alt hetta kappingarárið, fyrst Lionsbikarið, síðani steypakappingina, so deildina og nú FM-heitið.

Úrslitini í finalunum vóru hesi:
26.04.26 Kyndil – VÍF 29-27
29.04.26 VÍF – Kyndil 35-34
02.05.26 Kyndil – VÍF 29-27
06.05.26 VÍF – Kyndil 28-30

HM-lutakastið 10. juni

18. mai 2026

Tann 10. juni kl. 16.00 verður lutakastið til HM-endaspælið hjá monnum í Týsklandi, og verður tá greitt í hvørjum býi Føroyar skulu spæla innleiðandi bólkaspælið. Kunning viðvíkjandi atgongumerkjum kemur eftir lutakastið.

Søga! Mennirnir eisini til HM-endaspælið

16. mai 2026

Enn eitt blað er skrivað í føroyskari hondbóltssøgu í kvøld. Manslandsliðið hevur vunnið seg til sítt fyrsta HM-endaspæl. Føroyar vunnu seinna røkk-støkk dystin móti Bosnia Hersigovina, 33-28, eftir at Føroyar vóru aftanfyri 17-15 í hálvleikinum. Føroyar vunnu við hesum 57-50 samanlagt yvir teir tveir dystirnar.

Gott útgangsstøði

14. mai 2026

Føroyar standa við einum góðum útgangsstøði undan seinna røkk-støkk dystin um at koma til HM. Føroyar spældu ein taktiskan dyst móti Bosnia-Hersigovina, stýrdu leikferðini og vunnu dystin í verjuni. Pauli Jacobsen stóð ein rimmar dyst í málinum við 18 bjargingum og Føroyar vunnu 24-22, eftir 12-10 til okkara í hálvleikinum.

Ein loysn frá Sendistovuni