Landskappingarnar hjá SMS, Burn, 1. deild og ungdómum, niður til U14, eru nú komnar út og liggja á heimasíðuni hjá HSF.
Kappingarárið hjá monnum og kvinnum byrjar sum vant við dystunum um Lionsbikarið, har vinnarin av steypakappingini og FM í 2024 møtast. Hesir dystirnir verða sunnudagin 1. september í Hoyvíkshøllini. Vikuna eftir byrjar landskappingin, sum koyrir til í seinasta lagi 3. og 10. mai, ávikavist í Burn og SMS deildini, hetta alt eftir hvussu nógvar finalur talan verður um.
Barnahondbólturin hjá U9, U10 og U12 byrjar um mánaðarskiftið september/oktober við Heystkappingini. Leiksskráin fyri barnahondbóltin kemur út eftir summarfrítíðina.
Steypafinaluvikuskiftið 2025 liggur 21. – 23. februar.
