Leingja avtaluna við KD-Seafood

Hondbóltssambandið og fiskasølan KD-Seafood hava longt verandi sponsoravtalu, sum inniber at KD-Seafood verður verandi ein av stórstuðlunum hjá HSF. 

Andrass Thomsen, stjóri í HSF og Kim Durhuus og Birgir Kass, ávikavist eigari og sølustjóri hjá KD Seafood, hittust herfyri og skrivaðu undir nýggja sáttmálan. KD Seafood verður við hesum verandi ein partur av toyminum av fyritøkum, sum stuðla og tryggja kjølfesti undir føroyskum hondbólti. Stuðulin er við til at styrkja arbeiði hjá HSF við at skapa góðar umstøður fyri breidd og úrval. – Tað hevur verið stuttligt og hugtakandi at vera við og síggja stóra uppbakningin føroysku landsliðini hava fingið, bæði á heima- og útivølli. Hetta vísir, at um vit standa sama og arbeiða miðvíst, so røkka vit langt, sigur Kim Durhuus. – Andrass Thomsen viðmerkir til longda sáttmálan, at vit nú við góðum stuðlum kunnu hyggja fram móti komandi avgerandi uppgávum í vár og vónandi tryggja Føroyum enn fleiri endaspøl at savnast um. 

Avtalan við KD-Seafood er galdandi fram til 2028.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni