Lutakast til HM-undankappingina hjá kvinnum verður seinnapartin í dag á ráðstevnu hjá EHF í Glasgov.
16 lond eru í pottinum, sum verða býtt í fýra bólkar. Føroyar eru støðismettar í bólk tvey.
Bólkur 1: Hvítarussland, Makedonia, Sveis, Slovakia, Turkaland.
Bólkur 2: Føroyar, Ísland, Italia, Kosovo, Litava, Portugal, Ukraina.
Bólkur 3: Aserbadjan, Finnland, Grikkaland, Ísrael.
Drigið verður kl. 14.30.
Komandi vikuskiftið verða tveir spennandi European Cup dystir í Vestmanna, tá mansliðið hjá VÍF fær vitjan av SSV Brixen úr Italia.
Hondbóltssambandið og byggivirkið Búsetur hava longt sponsorsamstarvið, har fyritøkan verður verandi ein av sjónligu stuðlunum hjá HSF fram til 2026.
Talan gjørdist eisini um tap í fjórða og seinasta HM-undankappingardystinum hjá føroysku U20-kvinnunum. Føroyar taptu 30-28 fyri vertunum úr Serbia, eftir at hálvleiksstøðan var 17-13 til Serbia.
