Lutakastið til EM-undankappingina hjá kvinnum

Kl. 17.00 í dag verður lutakastið til EM-undankappingina hjá kvinnum. Lutakastið verður í Keypmannahavn. Lutakastið kann stroymast á youtube-síðuni hjá EHF https://www.youtube.com/user/ehfeuro

Tað eru 28 lond við í lutakastinum, har liðini verða drigin í sjey bólkar við fýra liðum í hvørjum. Tvey tey ovastu liðini í hvørjum bólki koma víðari til endaspælið, sum verður leikt í Noregi og Danmark. Liðini eru styrkismett soleiðis:

1. Frakland, Holland, Rusland, Svøríki, Rumenia, Montenegro og Týskland.
2. Serbia, Kekkia, Ungarn, Spania, Slovenia, Pólland, Kroatia
3. Eysturríki, Hvítarussland, Slovakia, Turkaland, Makedonia, Ukraina og Italia.
4. Sveis, Ísland, Portugal, Litava, Føroyar, Kosova, vinnarar av fasu 1.

Fyrst í juni verður fasa 1 leikt, har Ísrael, Finnland, Grikkaland og Luksemburg kappast um eitt pláss í fasu 2.

Undankappingin verður leikt við úti- og heimadystum í september 2019, mars 2020 og mai 2020. Endaspælið verður leikt 4. – 20. desember í Tróndheim, Stavanger, Oslo í Noreg og í Herning í Danmark.

Hesar 16 møta Svøríki og Íslandi

21. september 2023

Landsliðsvenjararnir, Claus Mogensen og Simon Olsen, hava úttikið hesar 16 leikarar til EM-undandystirnar móti Svøríki og Íslandi, ávikavist tann 12. og 15. oktober.

Felags kós við Navigare

21. september 2023

Hondbóltssambandið og shippingfyritøkan Navigare hava longt verandi stuðulsavtalu fram til 2026.

Neistakvinnur og H71 út í Europa

20. september 2023

Komandi vikuskiftið skulu kvinnurnar hjá Neistanum og H71 spæla European Cup dystir. Bæði feløgini spæla dystirnar á útivølli.