Mikukvøldið kl. 19.00 stendur brakið

A-landsliðið hjá monnum gleðir seg til at síggja tykkum í Høllini á Hálsi til dystin móti Ukraina kl. 19.00 í annaðkvøld.

Dyrnar lata upp kl. 17.00 og verður víst til parkering í kringøkinum á Hálsi , við Gundadalshøllina, Dansfrøði, BankNordik, Bowlinghøllina og rennibreytina. Møguleiki verður fyri at fáa andlitsmáling og at keypa sær okkurt lætt.

Tað er útselt til dystin og heitir HSF á fólk um at møta í góðari tíð. Hevur tú ikki atgongumerki, kann dysturin annars síggjast í KVF, sum sendir frá kl. 18.15, eisini sigur FM1 frá dystinum. Uttanlands kann dysturin stroymast á ehftv.com við enskum frásøgufólki.

Koyr á Føroyar!

Skrivstovan stongd

22. juli 2024

Hondbóltssambandið er farið í summarferiu, og er skrivstovan stongd næstu tvær vikurnar til og við 4. august. Átrokandi boð kunnu tó sendast til hsf@hsf.fo. Vit síggjast í nýggja kappingarárinum!

Óli Mittún EM-toppskjútti

21. juli 2024

Sum vanligt til slíkar kappingar, so vóru bestu leikararnir heiðraðir eftir U20 EM-endaspælið í Slovenia. Óli Mittún var toppskjútti í kappingini við 76 málum í 8 dystum.

U20-menn: Endaðu nr. 18

20. juli 2024

Eftir ein fínan fyrra hálvleik, har Føroyar vóru frammanfyri 19-17, mistu okkara takið í seinna hálvleiki, og Sveis vann 35-32. Føroyar endaðu við hesum sum nummar 18 av teimum 24 liðunum í EM-endaspælinum.

Ein loysn frá Sendistovuni