Kjølbro heilsøla stuðlar hondbóltinum

Fleiri hava lagt til merkis, at Kjølbro heilsøla var ein av stuðlunum á blusunum og LED-skýggjunum hjá Føroyum til seinasta heimadystin herfyri móti Rumenia. Hetta skyldast, at Kjølbro heilsøla og HSF hava gjørt avtalu um sponsorsamstarv, har Kjølbro heilsøla verður ein av sjónligu stuðlunum hjá HSF.


Árni Fredriksberg, stjóri í Kjølbro heilsølu, og Gunn Ellefsen, starvsnevndarforkvinna í HSF, hittust herfyri á Stangavegi í Klaksvík, har avtalan varð undirskrivað. -Hjá Kjølbro heilsølu hava vit bitið merki í eyðsýndu framgongdina hjá hondbóltinum seinastu árini. Nærlagni, dugnasemi og gott arbeiðslag eru lyklaorð í virkseminum hjá Kjølbro og hetta síggja vit eisini hjá føroyskum hondbóltsíðkarum og feløgum. Hetta er nakað vit sum fyritøka gjarna vilja spegla okkum í og gleða vit okkum at fylgja við nú fleiri landslið skulu kappast við heimsins bestu, sigur Árni Fredriksberg í stuttari viðmerking.

-At hava sterkar stuðlar úr øllum landinum er ein fortreyt fyri at tryggja menningina í føroyskum hondbólti. Hondbóltur skal vera fyri alt Føroyar. Vinnulívið í Klaksvík er sterkt og hava vit eisini sæð, at tey eru stinn at stuðla ítróttalívinum. Hetta fegnast vit nú eisini um í Hondbóltssambandinum, tá Kjølbro heilsøla er vorðin stuðul, sigur Gunn Ellefsen.

Lýsing eftir málverjamennara

24. apríl 2024

Føroyskur hondbóltur hevur verið í støðugari menning seinastu árini. Stóra menningin í spælinum setur alsamt størri krøv til eitt nú verjupartin í spælinum. Ásannandi tørvin at stimbra og menna málverjaumhvørvið í føroyskum hondbólti, søkir HSF eftir einum málverjamennara.

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.