Ein útskifting er í kvinnulandsliðshópinum, sum skal møta Svøríki í morgin. Natasja Hammer er kallað inn fyri Mariu Pálsdóttir Nólsoy, sum var óheppin og breyt ein fingur til venjingina mánadagin.
Lækni hevur eftirhugt brotið og má Maria leggjast undir skurð hósdagin og verður sostatt ikki við móti Svøríki mikudagin og Íslandi sunnudagin. Landsliðsvenjararnir hava ístaðin sent boð eftir Natasju Hammer, sum hevur vant saman við hópinum í gjár og í dag.
Føroyar møta Svøríki á heimavølli í Høllini á Hálsi í morgin kl. 19.00, og Íslandi á útivølli, sunnudagin kl. 17.00. Kringvarpið sendir báðar dystirnar.
