Nú byrjar Faxe Kondi kappingin

Komandi vikuskiftið byrjar Faxe Kondi kappingin av álvara og kemur kappingin at vara heilt til vikuskiftið 20. – 21. februar, sum er stóra finaluvikuskiftið í Høllini á Hálsi.
Kappingin byrjar við kvinnunum leygar- og sunnudagin og monnunum í komandi viku, miku- og hósdagin. Skráin fyri allar deildir kann síggjast her:
Faxe Kondi-kappingin – HSF

Liðini eru bólkaði í tveir bólkar eftir støðuni í landskappingini eftir tvey leikumfør, soleiðis at lið nr. 1, 4, 5 og 8 fara í ein bólk, meðan lið nr. 2, 3, 6 og 7 fara í ein bólk. Undandystir hava verið um 8. plássið og vann H71 2 hesi plássini í báðum førðum. Eftir bólkaspølini verða hálvfinalur millum nr. 1 í øðrum bólkinum og 2 í hinum bólkinum við einum úti- og heimadysti til liðini.

Tað ber til at stroyma allar dystir á hsf.live.fo.
Stroyma hondbólt | HSF.live

Ungdómsdeildirnar spæla komandi vikuskiftið 2. umfar í Faxe Kondi kappingini, sum er avgerandi fyri hvørji lið koma í hálvfinalurnar. Hesar kappingarnar verða leiktar í hallunum kring alt landið.

Tað er P/F Poul Michelsen, sum umboðar Faxe Kondi í Føroyum og er kappingarstuðul í steypakappingini.

European Cup hondbóltur í Vestmanna

29. november 2023

Komandi vikuskiftið verða tveir spennandi European Cup dystir í Vestmanna, tá mansliðið hjá VÍF fær vitjan av SSV Brixen úr Italia.

Byggja víðari saman við Búsetri

27. november 2023

Hondbóltssambandið og byggivirkið Búsetur hava longt sponsorsamstarvið, har fyritøkan verður verandi ein av sjónligu stuðlunum hjá HSF fram til 2026.

U20-kvinnur: Tepurt tap fyri vertunum

25. november 2023

Talan gjørdist eisini um tap í fjórða og seinasta HM-undankappingardystinum hjá føroysku U20-kvinnunum. Føroyar taptu 30-28 fyri vertunum úr Serbia, eftir at hálvleiksstøðan var 17-13 til Serbia.