Seinni landsdysturin eisini útsettur

  • Eftir ætlan skuldu Føroyar og Kekkia spæla seinna EM-undankappingardystin sínamillum komandi  leygardag í Pilzen í Kekkia. Hesin dysturin er nú eisini útsettur.

Kappingarleiðslan í EHF boðaði seinnapartin í dag frá, at dysturin eisini verður útsettur, eftir at tað var greitt, at átta persónar í ferðalagnum hjá Kekkia, sum var í Føroyum, vóru smittaðir við koronu. Kappingarleiðslan hevur gjørt eina meting av støðuni og metir, at vandin fyri at spjaða smittu er ov stórur. Føroyska liðið skuldi eftir ætlan avstað til Kekkia í morginárini, men verður hetta nú av ongum.

Enn er ikki greitt, nær dystirnir verða leiktir.

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.