EHF váttar: Landsdysturin útsettur

Kekkiska ferðalagið varð kannað fyri koronu við komu á flogvøllin seinnapartin í gjár, og vísti tað seg seint í gjárskvøldi, at átta í ferðalagnum eru smittað av koronu.

Hondbóltssambandið hevur í sambandi við landsdystir sera strangar reglur, sum skulu haldast. Síðani kekkiska ferðalagið kom til Føroyar seinnapartin í gjár, hevur tað verið í einari sokallaðari bløðru og tí hava tey ikki verið í sambandi við onnur. Kekkararnir komu til Føroyar í leiguflogfari og fara somuleiðis heim aftur við leiguflogfari.

EHF, Europeiska hondbóltssambandið, hevur krøv um, at landsliðshópar verða kannaðir við jøvnum millumbilum í sambandi við altjóða dystir. Soleiðis var eisini í hesum førinum. Kekkiski landsliðshópurin er kannaður fleiri ferðir, eisini áðrenn komu til Føroyar í gjár.

Mánadagin 4. januar, dagin fyri, at ferðalagið kom til Føroya, vóru øll, sum komu til Føroyar testað negativ. Í gjár, 5. januar, vísti tað seg, at átta teirra vórðu testað positiv. Hetta merkir, at ongin landsdystur verður spældur í kvøld.

EHF hevur í samráð føroysku heilsumyndugleikunum gjørt av, at landsdysturin verður avlýstur. EHF kemur seinni í dag at taka støðu til, hvussu verður við seinna landsdystinum, sum eftir ætlan skuldi verða leygardagin 9. januar í Pilzen.

Kekkiska ferðalagið fer av landinum aftur tíðliga seinnapartin í dag.

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni