Peter Bredsdorff-Larsen verður nýggjur A-landsliðsvenjari hjá monnum

Nýggjur landsliðsvenjari er settur frá 1. juli.

Sáttmálarnir hjá Hondbóltssambandinum við Sonni Denis Vahlgren Larsen og Dia Midjord ganga út í juni á ár. Í hesum sambandi hevur Hondbóltssambandið sett Peter Bredsdorff-Larsen sum nýggjan landsliðsvenjara hjá føroyska A-landsliðnum hjá monnum.

Peter Bredsdorff-Larsen er kent andlit í altjóða hondbólti og hevur seinastu 7 árini verið venjari hjá monnunum hjá Bjerringbo-Silkeborg Håndbold í bestu donsku deildini. Hjálparvenjari í Bjerringbro-Silkeborg hevur verið Lars Møller, og tað eru júst hesir báðir, sum nú skulu standa á odda fyri føroyska manslandsliðnum.

Peter Bredsdorff-Larsen og Lars Møller taka við størvunum 1. juli, tá sáttmálarnir við Sonni Denis Vahlgren Larsen og Dia Midjord ganga út.

Peter Bredsdorff-Larsen er 53 ára gamal og hevur drúgvar royndir sum hondbóltsvenjari. Hann var hjálparvenjari hjá danska manslandsliðnum í tíðarskeiðnum 2005–2015, har teir vunnu fleiri heiðursmerki, m.a. EM-gull í 2008 og 2012. Sum venjari í bestu donsku deildini hevur Peter Bredsdorff-Larsen luttikið í DM- og steypafinalum við trimum ymiskum feløgum, og gjørdist hann eisini danmarksmeistari við núverandi felagnum Bjerringbro-Silkeborg í 2016.

Peter Bredsdorff-Larsen hevur útbúgving sum Master í Organisatorisk Coaching og Læring frá Aalborg universiteti.

HSF gleðir seg at bjóða Peter Bredsdorff-Larsen og Lars Møller vælkomnum til føroyskan hondbólt.

Manslandsliðið er úttikið

16. apríl 2025

Hesir skulu royna at vinna Føroyar til EM-endaspælið. Landsliðsvenjararnir, Peter Bredsdorff-Larsen og Hjalti Mohr Jacobsen, hava úttikið hesar 16 leikarar til EM-undankappingardystirnar móti Kosovo og Ukraina í mai.

Soleiðis verður HM-endaspælið

14. apríl 2025

Við kvinnunum luttaka Føroyar fyri fyrstu ferð nakrantíð í einum HM-endaspælið fyri vaksin. HM-endaspælið verður leikt í Týsklandi og Niðurlondum í døgunum 26. november til 14. desember 2025.

Søga! – HM-endaspælið veruleiki!

13. apríl 2025

Føroysku kvinnurnar gjørdu nóg mikið. Føroyar skulu til HM-endaspælið eftir sigur við 9 málum samanlagt móti Litava. Seinni dysturin í Litava var tó misjavnur, og Føroyar taptu 30-29, eftir at Litava var frammanfyri 14-11 í hálvleikinum.

Ein loysn frá Sendistovuni