So bragdaði!

Føroyska manslandsliðið vann í kvøld ein søguligan 27-26 sigur á Kekkia, eftir støðuna 11-12 í hálvleikinum.

Sigurin er søguligur, tá hetta er fyrsti sigur í aðru fasu í EM-undankapping  hjá Føroyum.

Dysturin gekk javnt á fyrstu løtuna, men kempaðu okkara aftur við stinna kekkiska málverjan Martin Galia. Hann var okkum ein marra í dystinum í Kekkia fyrr í ár og vísti hann aftur sínar dygdir. Føroyska fylgdi tó væl við kekkum og trý skjót mál á rað beint helt føroyska liðið inni í dystinum. Hálvleiksstøðan var 12-11 til Kekkia. Ungi Elias á Skipagøtu var eyðsýdnur í fyrra hálvleiki, har hann skeyt fleir góð mál og legði upp til fleiri og var Filip Jojic eisini tryggur við brotskøstunum.

Í seinna hálvleiki fekk liðskiparin Kjartan Johansen ein størri leiklut og kom av álvara glið á føroyska álopsspælið. Føroyska liðið fekk av álvara glið á og komu mál frá øllum plássum og hetta ørkymlaði kekkisku verjuna. Í hinum endanum høvdu kekkar heldur ikki stórvegis trupulleikar at skjóta mál, hóast føroyska verjan í fleiri álopinum stóð væl. Dygdin hjá serliga Matej Klima, ið skoraði seks mál eftir steðgin, hjá Jakub Hrstka, og innspælinum til strikuna, gjørdu tað trupult hjá Føroyum, og Tórður Guttesen og Nicholas Satchwell fingu ikki fatur.

Føroyar høvdu møguleika at leggja seg á odda 28-26, tá beint undir ein minuttur var eftir. Men heimaliðið fekk ikki skot á, og dómararnir dømdu fyri nøl. Kekkar fóru avstað, men verjan var væl fyri, og so tók Becvar møguleikan, tá nøkur sekund vóru eftir. Tað eydnaðist ikki, kekkar vóru í øðina inn á dómaraparið, men so at siga øll hini í høllini kundu stórfegnast.

Málskjúttar hjá Føroyum:
Sjúrður Olsen 5, Elias Ellefsen á Skipagøtu 5, Filip Jpjic 4 (4), Kjartan Johansen 3, Teis Horn Rasmussen 3, Peter Krogh 2, Pætur Mikkjalsson 2, Hákun West av Teigum 2, Jónas Gunnarson Djurhuus 1

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni